बाँके । बाँकेको नरैनापुर गाँउपालिकाका अध्यक्ष शैयद इश्तियाक अहमद शाहले नवरात्रको चौथो दिनको अवसर पारेर आज आईतबार नरैनापुरको सार्वजानिक स्थानमा निमको विरुवा वृक्षरोपण गर्नु भएको छ ।
उहाँले वृक्षरोपण गर्दै भन्नुभयो, सत्यको विजय र असुरी चरित्रको पराजय, दुराचारमाथि सदाचारको जीत, आपसी सद्भाव, भ्रातृत्व र पुनर्मिलनको प्रतीकको रुपमा चिनिएको दशैँ पर्वले विकृति, विसङ्गति अन्त्य गर्दै सामाजिक सद्भाव, एकता, मेलमिलाप र भ्रातृत्वको अभिवृद्धि गर्न हामी सबैलाई प्रेरित गर्ने छ भन्ने विश्वासका साथ वृक्षारोण गरिएको उल्लेख गर्नु भयो । 
अध्यक्ष शाहले नरैनापुरमा पछिल्लो समयमा केही तत्वहरु धार्मिक सदभाव बिथोल्न सक्रिया भएर लागेको उल्लेख गर्दै सामाजिक सदभाव संग खेलवाड नगरी सबै धर्मको सम्मान गर्दै पर्वहरु मनाउने वातावरण सृजना गर्न सम्बधीत पक्षहरु संग अपिल गर्नु भयो ।
दशैँ पर्वले सबै नेपालीलाई आ–आफ्नो क्षेत्रबाट न्याय र समानतासहितको आर्थिक समृद्धि प्राप्त गर्ने सामर्थ्य प्रदान गरोस् भन्ने पनि उहाँले कामना गर्नु भयो । अध्यक्ष शाहले निम बहुउपयोगी वृक्ष भएको बताउदै यसको छायाँमा बस्दा वा नजिक रहँदा मात्र पनि धेरै रोग ठीक हुने भएकोले बृक्षरोपण गरेको जिकिर गर्नु भयो । उहाँले भन्नुभयो,“यहाँ बसुन्जेल असल काम गर्न सकुँ ।”
नरैनापुर २ मा रहेको सार्वजानिक स्थान र अन्त्यष्टि स्थलहरुमा पुगेर अध्यक्ष शाहले बृक्षरोण गर्नु भएको थियो ।
