सुर्खेत । केही व्यक्ति तथा मिडियाहरुले नेकपा माओवादी अध्यक्ष प्रचण्डमाथि दुव्र्यवहार भएको समाचार सार्वजनिक गरेपछि सुर्खेत प्रहरीले त्यसको खण्डन गरेको छ ।
सुर्खेत प्रहरीले एक विज्ञप्ती जारी गर्दै अध्यक्ष प्रचण्डका बारेमा अनर्गल र आधारहीन सूचना र समाचार सम्प्रेषण गरिएको बताए । यस्तो झूठो भ्रमपूर्ण समाचार प्रेषित गर्नेहरुमाथि विद्युतीय कारोबार ऐन २०६३ बमोजिम कार्वाही गरिने प्रहरीले जनाएको छ ।
पढ्नुस प्रहरीले जारी गरेको सूचना
सूचना !! सूचना !! सूचना !!
आज मिति २०७८साल फागुन २७ गतेको दिन नेपाल कम्युनिष्ट पार्टी (माओबादी केन्द्र) का अध्यक्ष पुर्व प्रधानमन्त्री पूष्प कमल दाहाल प्रचण्ड ने।क।पा।माओबादी केन्द्र कर्णाली प्रदेश समितिको आयोजनामा सन्चालित राजनैतिक तथा बैचारिक प्रशिक्षण कार्यक्रमलाइ सम्बोधन गर्न सुर्खेत आउनु भएकोमा हाल सामाजिक सञ्जालमा उहाँ माथी ढुङ्गा मुढा प्रहार भएको भनि समाचार तथा सूचना केही व्यक्ति तथा मिडिया ले अनर्गल तथा आधारहिन रुपमा सम्प्रेषण गरेको पाईएकोले यसमा कुनै पनि सत्यता नभएको ब्यहोरा अनुरोध गरिन्छ ।
साथै यस प्रकारका झुठा भ्रमपुर्ण र शान्तिसुरक्षाको दृष्टिकोणले गम्भीर प्रकृतिका सूचना हरु सम्प्रेषण गरिएको पाईएमा बिधुतिय करोबार ऐन, २०६३ बमोजिम कारबाही हुने व्यहोरा समेत सूचित गरिन्छ ।
