कुशल दर्लामी
बैजनाथ । बाँकेमा भारी बर्षासँगै धान रोपाइँ नभएका बन्जर जग्गाले पानी पाएका छन् भने खोलानाला नजिकका घर बस्ती डुवान पर्न सक्ने सम्भावना भएका स्थानहरुका स्थानीय नागरिकहरुलाई सचेत रहन बैजनाथ गाउँपालिका अध्यक्ष प्रकाश बहादुर शाहीले अनुरोध गर्नुभएको छ। 
बुधबार बिहानैदेखि बाँके बर्दियाका विभिन्न स्थानहरुमा भारी बर्षा भएको छ। बर्षातको मौसम असार र श्रावणमा समेत समयमा पानी नपर्दा तराइका विभिन्न जिल्लाहरुमा सुख्खा भएकाले रोपाइ हुन सकेन र रोपाइँ गरेर सकेका किसानहरुले आकाशे पानीको भर पर्नुपर्ने भएकाले चर्को घाम लाग्ने र खेत सिचाइका लागि प्रयाप्त पानीको ब्यवस्थापन नहुनुनै मुख्य समस्या भएकाले अब थोरै भएपनी किसानलाई राहत मिलेको छ।
बुधबार परेको अबिरल बर्षाका कारण तराई जलमग्न भएपछि बैजनाथ गाउँपालिका अध्यक्ष शाहिले बैजनाथका कुनैपनी नागरिकले बर्षाका कारण असुरक्षित महसुस गर्नुपर्ने अवस्था नआओस् जहाँ जस्तो समस्या हुन्छ समाधान गर्न वडा अध्यक्षहरुलाई निर्देशन दिनुभएको छ। 
