बाँके । बाँके राष्ट्रिय निकुञ्जको मध्यवर्ती क्षेत्रमा पर्ने राप्ती नदीबाट चरा गणना सुरु गरिएको छ । हरेक वर्ष यही सिजनमा चरा गणना गरिदै आएको छ । राप्ती सोनारी गाउँपालिका वडा नम्बर १ को राप्ती नदी हुदै शनिबारबाट चरा गणना कार्य सुरु गरिएको हो ।
चरा गणना कार्यक्रमको शनिबार बिहान राप्ती सोनारी गाउँपालिका वडा नम्बर १ कुसुमस्थित राप्ती नदीबाट शुभारम्भ गरिएको थियो । शुभारम्भका क्रममा बाँके राष्ट्रिय निकिुञ्ज मध्यवर्ती क्षेत्र ब्यवस्थापन समितिका अध्यक्ष गेहेन्द्रकुमार खड्का, निकुञ्जका कर्मचारी, सुरक्षाकर्मी, चरा बिज्ञ राम शाही, फ्रेन्ड्स फर वाईल्ड लाईफ कन्जरभेसनका आशिष चौधरी लगायतको उपस्थिती रहेको थियो ।
टोलीले राप्ती नदीको तटिय क्षेत्रमा बसोबास गर्ने चराको गणना गर्नेछ । चरा गणना कार्यले चरा संरक्षणका साथै चरा पर्यटन र चराको बासस्थान सुरक्षित गर्नमा महत्वपूर्ण भूमिका निभाउने संरक्षणकर्मीको विश्वास छ । केहीदिन सम्म बाँकेमा चरा गणना कार्य चल्ने बताइएको छ ।
