गाेपालसिंह खड्का
रुकुम । नेकपा माओवादी केन्द्रका स्थायी कमिटी सदस्य तथा सङ्गठन विभाग प्रमुख जनार्दन शर्मा (प्रभाकर)ले देश माओवादीकै एजेन्डामा चलिरहेको बताउनुभएको छ ।
अर्थमन्त्रीसमेत रहनुभएका शर्माले सबै खालका सकारात्मक परिवर्तन माओवादीको एजेन्डा भएकाले परिवर्तनको वाहक पार्टी माओवादी मात्रै भएको दाबी गर्नुभयो ।
नेकपा माओवादी केन्द्र सानीभेरी गाउँपालिकाको दोस्रो सम्मेलनको सिम्लीमा उद्घाटन गर्दै नेता शर्माले ऐतिहासिक उपलब्धिहरुको रक्षा गर्न जनताकै बिचमा आउनुपर्ने अवस्था समेत आएको बताउनुभयो ।
आफुले जनताको मतको बेवास्ता गरेर कहिकतै बाटो बिराएको भए आफुलाई खबरदारी गर्न जनता तथा कारणयकर्तासँग आग्रह समेत गर्नुभयो ।
आफु आफ्नो कारणले अर्थमन्त्री नभएर जनताको तागतले भएको समेत बताउनुभयो ।
। उद्घाटन कार्यक्रममा बोल्दै शर्माले श्रम, उत्पादन र रोजगार तथा सामाजिक, सास्कृतिक रुपान्तरणको अभियानमा लाग्न नेता कार्यकर्ताहरुलाई अनुरोध गर्नुभयो ।
योजना बनाउन र काम गर्न सक्ने मान्छेलाई नेता चुन्न कार्यकर्ताहरुलाई आग्रह गर्नुभयो । आजै उहाँले त्रिबेणि गाउँपालिका , सानीभेरी गाउँपालिका र चौरजहारी नगरपालिकाको सम्मेलनलाई उद्घाटन गर्नुभएको छ ।उद्घाटन कार्यक्रममा नेकपा एमाले र नेपाली काग्रेश परित्याग गरि अाधा दर्जन भन्दा बढी नेता कार्यकर्ता माओवादीमा प्रबेश गरेका थिए। नव प्रबेशिलाई नेता शर्माले टीका माला लगाएर स्वागत गरेका थिए।
