बाँके – हिन्दुधर्मालम्वीहरूले दाजुभाई दिदीबहिनीहरूमा माया प्रेमको सद्भाव र स्नेह साट्ने चाडको रूपमा मनाउदै आएको भाइटिकाले अन्य समुदाय र धर्ममा पनि लोकप्रियता कमाउन थालेको छ।
दाजुबहिनी दिदीभाइमा माया र स्नेह झल्काउने भाइटिका यस पटक मुस्लिम समुदायले पनि धुमधामसँग मनाएका छन् । धर्म र जातभन्दा पनि दिदीभाइको सम्बन्धलाई प्रगाढ बनाउन उनीहरूले यस तिहार मनाउने गरेका छन्।
नेपालगंज उपमहानगरपालिका वडा नं ४ का अध्यक्ष एंव मानवीय कार्य कार्य गरेर देशबिदेशमा नाम कमाउन सफल मोहम्मद सफिक बेहनाले पनि भाइटिका लगाएका छन् । बेहनाले आफ्नो भाइटिकाको तस्वीर फेसबुकमा शेयर गरेका छन्।
त्यस्तै चाँद इट्टा उद्योगका संचालक चाँद खाँले पनि टिका लगाएको तस्वीर समाजिक सञ्जालमा शेयर गरेका छन्। उनले लेखेका छन् भाइटिका मुस्लिम दाजुभाइले मनाएर धर्म भन्दा ठूलो स्नेह, प्रेम र मायाको सन्देश दिएको उल्लेख गर्दै अगाडि लेखेका छन् भाईटिका कुनै पनि पर्व धर्म विशेषको नबनोस् । यस्तै वडा अध्यक्ष बेहनाले जाती र धर्मबीचको अन्तर अन्त्य होस्। यसै गरि माया र सद्भाव कायम रहोस्। आँउदो साल यो हिन्दुको पर्व नबनेर हरेक दिदीभाइ दाजुबहिनीको चाड बनोस् भनी कामना गर्नु भएको छ ।
