बाँके । दाउते इस्लामि नेपालको आयोजनामा फैजाने मदिना मस्जिद नेपालगञ्जमा बृहत इफ्तार कार्यक्रम सम्पन्न भएको छ । मुस्लिम धर्मावलम्बीको पवित्र महिना रमादानको शुभकामना आदानप्रदानसहित इफ्तार कार्यक्रम सम्पन्न भएको अब्दुल अजिज अन्सारीले जानकारी दिनु भयो ।
कार्यक्रममा रोजा राख्नुको अर्थ र रमजान महिनाको महत्त्व बारे हाजी अकिल अत्तारीले जानकारी गराउनुभएको थियो ।
दाउते इस्लामिका अन्तराष्ट्रिय समितिका सदस्य हाजी अकिल अत्तारीको प्रमुख अतिथि्यतामा भएको कार्यक्रममा दाउते इस्लामि नेपालका प्रमुख मोहम्मद शम्मस अत्तारी, अडिटर जुबेर राई, हाजी सरिफ बागवानी, मुस्लिम जर्नलिस्ट क्लब नेपालका अध्यक्ष आलम खान लगायतको उपस्थितिमा कार्यक्रम सम्पन्न भएको थियो ।
