काठमाडौं । बुद्ध एयरको ९ एन एईई बीचक्राफ्ट जहाजमा ईन्जिन फेल भएपछि चितवनको भरतपुर विमानस्थलमा आकस्मिक अवतरण गरिएको छ ।
भरतपुरबाट काठमाडौंका लागि उडेको बिचक्राफ्ट जहाज विमानस्थलबाट उड्नासाथ दुईमध्ये बायाँ इन्जिन फेल भएपछि भरतरपुर नै फर्किएको विमानस्थल स्रोतको भनाई छ ।
१ बजेर १६ मिनेटमा उडेको जहाज उडेको २ मिनटमै पाइलटले कन्ट्रोल टावरसँग जहाजको आकस्मिक अवतरणको अनुमति मागेका थिए । विमानस्थलले धावनमार्गमा आवश्यक सुरक्षा तारतम्य मिलाएर जहाज अवतरण गराएको हो ।
१८ जना यात्रु चढेको अहिले जहाज धावनमार्गमै रहेको छ । स्रोतका अनुसार यात्रुहरुलाई सुरक्षित निकालेर जहाजलाई धावनमार्गबाट खाली गराउन लागिएको छ । यात्रु र चालक दलका सबै सदस्य सुरक्षित छन् । अहिले विमानस्थल बन्द गरिएको छ ।
