बाँके । बाँकेको नरैनापुरमा आगलागी हुँदा १५ घर जलेर नष्ट भएका छन् ।
वडा नम्बर ४ कृष्णनगर टोलमा आज दिउँसो साढे ३ बजे आगलागी हुँदा चार वटा बाख्रा पनि जलेर मरेका छन् ।
सशस्त्र प्रहरी बल नरैनापुर विओपी इन्चार्ज सशस्त्र प्रहरी निरीक्षक नरेश बाटाका अनुसार करिब ५ बजे आगो नियन्त्रणमा ल्याइएको थियो । उजागर धोवीको घरबाट आगलागी शुरु भएपनि एकिन कारण थाहा हुन नसकेको प्रहरी निरीक्षक बाटाले बटाए । गाउँपालिकाको दमकल, स्थानीय, नरैनापुर विओपी, इलाका प्रहरी कार्यालय भगवानपुर र नरैनापुरको प्रहरी टोलीले आगो नियन्त्रणमा लिएको थियो ।
आगालीबाट करिब २० लाख बराबरको क्षती भएको प्रारम्भिक अनुमान गरिएको बाटाले बताए । "हामीले सकेसम्म धेरै धनमाल जोगाउने कोशिस गर्र्यौं, केही त बाहिर पनि निकाल्यौं, प्रहरी निरीक्षक बाटाले भने-"आगलागी भइरहेका घरभित्रै पसेर पनि हामीले कोशिस गरेका हौं ।"
