काठमाडौ । पैसा तिर्न नसक्दा गर्भवती महिलाले सडकमै बच्चा जन्माएको घटनामा गजेन्द्र नारायण सिंह अस्पतालले ६ कर्मचारीलाई जिम्मेवारीबाट हटाएको छ । डाक्टरदेखि सुरक्षा गार्डसम्मलाई कामकाजबाट हटाइएको हो ।
मंगलबार राति अस्पतालबाहिर एक महिलाले बच्चा जन्माएकी थिइन् । उनले बच्चा जन्माएको भिडियो सार्वजनिक भएपछि छानबिन थालिएको थियो । डा.उषा देव, स्टाफ नर्स मनिषाकुमारी साह, सजन चौधरी, रेणु ठाकुर, स्वीपर कृष्णा मेहतर र सुरक्षा गार्ड देवकान्त झालाई हटाइएको अस्पतालले जानकारी दिएको छ ।
छानबिन समितिको प्रतिवेदन प्राप्त नभएसम्मका लागि उनीहरुलाई हटाइएको अस्पतालले जानकारी दिएको छ ।
