बाँके । नेपालगन्ज उपमहानगरपालिका वडा नम्बर २१ ले जेष्ठ नागरिकको घर-घरमा पुगेर निः शूल्क स्वास्थ्य जाँच सुरु गरेको छ ।
यस वडामा नव निर्वाचित जनप्रतिनिधी आए पश्चात् घरदैलोमै पुगेर सेवा दिन सुरु गरिएको र निः शूल्क स्वास्थ्य सेवा प्रदान गर्न स्वास्थ्यकर्मीलाई परिचालन गरिएको वडाअध्यक्ष राज कुमार शाहुले जानकारी दिनुभयो ।
घर- घरमा पुगेर जेष्ठ नागरिकलाई निः शूल्क स्वास्थ्य सेवा दिदाँ जेष्ठ नागरिकका साथै उनका परिवारले पनि राहत महसुस गरेको स्वास्थ्यकर्मी गोमा आचार्यले बताउनुभयो।
नेपालगंज २१ लाई नमुना वडा बनाउने र जेष्ठ नागरिकलाई नि:शुल्क स्वास्थ्य उपचार घरदैलो अभियानमा नवनिर्वाचित जनप्रतिनिधीको प्रयासलाई वडाबासीले पनि सक्रिय रुपमा साथ दिएको वडा अध्यक्ष शाहुले बताउनुभयो ।
