बाँके । बाँकेको जानकी गाउँपालिका वडा नम्बर ६ स्थित रहेको बाहुबली हर्ब प्रालि जडिबुटी उद्योगमा विद्युत् सर्ट भएर बिहान ७ बजे लागेको आगो दिउसो २ बजे नियन्त्रणमा आएको बाँके प्रहरी प्रमुख प्रहरी उपरीक्षक तुलबहादुर कार्कीले जानकारी दिनु भयो । 
प्रहरी उपरीक्षक तुलबहादुर कार्कीेका अनुसार ब्यापारी राजेश जैनले संचालन गरेको जडिबुटी उद्योग परिसरमा राखिएका सल्लाको खोटो तथा दाउराबाट सुरु भएको आगलागी उद्योग सम्म पुगे पनि नेपालगन्ज विमानस्थलको दमकललगायत बाँकेका विभिन्न पालिकाका गरी ६ वटा, जिल्ला प्रहरीको वाटर क्यानोन, बर्दियाका विभिन्न स्थानीय पालिकाका ३ वटा, भारतको बहराईचको एक गरी ११ वटा दमकलबाट आगलागी नियन्त्रणमा लिएको बताउनु भयो ।
बाँकेका प्रमुख जिल्ला अधिकारी श्रवणकुमार पोखरेलले भन्नुभयो, प्रहरी उपरिक्षक कार्कीको कमाण्डमा ११४ जना नेपाल प्रहरी, सशस्त्र प्रहरी र नेपाली सेना गरी १६४ जना सुरक्षाकर्मी परिचालन गरी आगलागी पूर्ण रुपमा नियन्त्रण्मा लिएको बताउदै उहाँले मानवीय क्षति बताउनु भयो ।
उद्योगका संचालक राजेश जैनले करोडौको क्षति भएको बताए पनि बाँके प्रहरीले क्षतिको विवरण आउन बाँकी रहेको बताएको छ । आगलागीको जानकाी पाए पछि नेपालगंज उपमहानगरपालिकाका मेयर प्रशान्त विष्ट, व्यापारी नरेन्द्र ओली समेत आगलागी स्थलमा पुग्नु भएको थियो ।
