बाँके । उद्योग व्यवसायी संघका केन्द्रीय प्रतिनिधि टंक प्रसाद धामीलाई प्रहरीले पक्राऊ गरेको घटनाको उद्योग व्यवसयी संघ बाँकेले निन्दा गरेको छ ।
व्यवसायी संघका बाँके अध्यक्ष तेज प्रसाद रेग्मी र महासचिव दसरथ चन्द द्वारा जारी गरिएको प्रेस विज्ञप्तिमा भनिएको छ, नेपालगन्ज उपमहानगरपालिका वडा नं. २ घरबारी टोलका व्यवसायीहरुलाई राजश्व अनुसन्धान कार्यालय कोहलपुरबाट खटी आएको टोलीले सुनियोजित तरिकाबाट पसल भित्र पसी व्यवसायीलाई कुनै जानकारी नदिइ एक्कासि जवरजस्ती छापा मारी ब्यापारीहरुलाई आतंकित गरेको जानकारी पाए पछि सहजीकरण गर्न पुगेका टंक बहादुर धामी माथि मुद्दा लगाउनु र पक्राउ गर्नु कानुन बिपरित रहेकोले धामीलाई अबिलम्ब रिहा गर्न अपिल गरिएको छ ।
प्रेस विज्ञप्तिमा उद्योग व्यवसायी संघ बाँकेका अध्यक्ष तेज प्रसाद रेग्मीले टंकप्रसाद धामीलाई तत्काल रिहा नगरे आन्दोलन गर्न बाध्य हुने चेतावनी दिएका छन् ।
