नेपालगञ्ज । युवा नेतृत्व, सीप विकास, नवप्रवर्तन तथा सामाजिक उत्तरदायित्वलाई प्रवर्द्धन गर्ने उद्देश्यका साथ सम्भावना नेपाल ले “नेपालगञ्ज युवा विकास सम्मेलन २०२६” आयोजना गर्ने भएको छ। सम्मेलन असार ४ र ५ गते नेपालगञ्जमा सञ्चालन हुनेछ ।
सम्भावना नेपालका अध्यक्ष साहिल अन्सारी ले युवाहरूको क्षमता अभिवृद्धि, नेतृत्व विकास तथा राष्ट्र निर्माणमा उनीहरूको सक्रिय सहभागिता सुनिश्चित गर्न सम्मेलन आयोजना गरिएको जानकारी दिए। उनका अनुसार सम्मेलनले विभिन्न क्षेत्रका विज्ञ, युवा अभियन्ता, उद्यमी, शिक्षाविद् तथा सरोकारवालाहरूलाई एउटै मञ्चमा ल्याई अनुभव आदानप्रदान तथा नीतिगत बहसको अवसर प्रदान गर्नेछ ।
आयोजना हुन लागेको सम्मेलनमा शिक्षा, उद्यमशीलता, रोजगारी, नेतृत्व विकास, प्रविधि तथा सामाजिक रूपान्तरणका विषयमा छलफल गरिनेछ। साथै युवाहरूलाई आफ्नो क्षमता प्रदर्शन गर्ने र नयाँ अवसरहरू पहिचान गर्ने वातावरण सिर्जना गरिने अपेक्षा गरिएको छ।
अध्यक्ष साहिल अन्सारीले देशको भविष्य युवाहरूको हातमा रहेको उल्लेख गर्दै सम्मेलनलाई सफल बनाउन सम्पूर्ण युवा, सरोकारवाला निकाय तथा समुदायको सक्रिय सहभागिताका लागि आग्रह गरेका छन् ।
