बाँके । राष्ट्रिय प्रजातन्त्र पार्टी बाँके क्षेत्र नं २ (क) अध्यक्ष मोहम्मद सफिक बेहनाले ठूला दल भनाउँदाहरुले हिन्दु राष्ट्र बेचेको आरोप लगाउनु भएको छ । धर्मबेच्नेहरुले देशलाई के गर्छन्, के आधारमा भोट हाल्नुहुन्छ भनि जनताहरुसँग प्रश्न गर्नुभएको छ ।
बैशाख ३० गते सम्पन्न हुन गइरहेको स्थानीय निकाय निर्वाचन नजिकिदै गर्दा राप्रपा नेपालगञ्ज उपमहानगरपालि वडा नं ४ को ¥याली सहित घरदैलो तथा कोषणसभालाई सम्वोधन गर्दै उक्त कुरा बताउनु भएको हो ।
कार्यक्रममा वडा अध्यक्षका उम्मेदवार इन्दिरा शाही, वडा सदस्यका उम्मेदवारहरु मेनका बैध, जैय पत्राकोरी, चाँद बाबुले नेपालगञ्ज ४ लाई स्मार्ट सिटी बनाई प्रदूषण रहित पर्यटकीय शहर निर्माण गर्न, हिन्दु राष्ट्र कायम गर्न लगायतका कार्यहरु सम्पन्न गर्न हामीहरुको उम्मेदवारी रहेकोले अमूल्य मत दिई विजयी गराउन अनुरोध गर्नुभएको थियो ।
कार्यक्रममा वडा नं. ४ का अध्यक्षका उम्मेदवार इन्दिरा शाहीले राप्रपा एकमात्र राष्ट्रवादी पार्टी भएको हुँदा एकपटक राष्ट्रवादी पार्टीलाई विजयी गराई समृद्ध नेपाल निर्माण गर्न सहयोग गरिदिनु हुन आम वडाबासी जनतालाई आग्रह गर्नुभएको थियो ।
घरदैलो कार्यक्रममा उम्मेदवार सहित स्थानीय नेता तथा कार्यकर्ताहरुको सहभागिता रहेको थियो । चुनाव नजिकिदै गर्दा सम्पूर्ण नेता तथा कार्यकर्ताहरु अझ सशक्त रुपमा घरदैलो कार्यक्रममा सहभागी हुन र राप्रपाको पक्षमा मत पार्न लागि पर्न समेत राप्रपा वडा इकाइ समितिले आग्रह गरेको छ ।
