काठमाडौं । रक्तदाता अर्पण शिवाकोटीले आफ्नो जन्मदिन अनाथ बालबालिकासँग मनाएका छन् । थुप्रै पटक रक्तदान गरेर आफ्नो बेग्लै छवि बनाइ सकेका शिवाकोटीले आफ्नो जन्मदिनको अवसर पारेर काठमाडौँको जोरपाटीमा रहेको सुनौलो पाइला बाल आश्रम पुगेर अनाथ बालबालिकाहरुलाई कापीकलम हस्तान्तरण गरेका हुन् ।
अनावश्यक खर्च गर्ने रकमले बुवा आमा र आफन्त गुमाएका अनाथ बालबालिकालाई थोरै भएपनी राहत मिलोस् भन्ने भावनाले उक्त सामाग्री सहयोग गरेको शिवाकोटीले बताए । विगत लामो समयदेखि रक्तदान गरेर रमाउदै आएका शिवाकोटीले पछिलो केहि वर्ष यता यसरी नै विभिन्न अनाथ आश्रममा पुगेर आफ्नो जन्मदिन मनाउदै आएका छन् ।
ब्लड नेपालका संयोजक शिवाकोटीले विभिन्न समाजिक कार्यमा समेत सहभागी हुँदै आएका छन । उनले जन्मदिनकै अवसर पारेर रगत नपाएर भौतारि रहेका बिरामीहरुलाई यथाशक्य रगत व्यवस्थापन गर्ने बताए ।
