बन्दना सोनी
बाँके । नेपालगन्जमै अहिलेसम्मकै बढी राशी भएको डान्स प्रतियोगिता हुने भएको छ। नेपालगञ्जमा मंगलबार रोयल डान्स प्रालिद्वारा आयोजित कार्यक्रम डान्स बाँके डान्स को प्रेसमिट गरी प्रतियोगिताबारे जानकारी दिएको छ।
आयोजक टिम अनुसार प्रतियोगिता कोहलपुर ,राजापुर, गुलरिया, धनगढी,दाङ र नेपालगन्जमा अडिसन हुने जानकारी गराउँदै उक्त प्रतियोगिताको फाइनल पुस ३ भव्य रुपमा कार्यक्रम सम्पन्न भएपनि अडिसन भने कार्तिक २४ गते देखि शुरु हुने जानकारी दिइएको छ।
रोयल डान्सका सि .ई.ओ रोहित थापाका अनुसार रोयल डान्स प्रा.लि को आयोजनामा `डान्स बाँके डान्स ´प्रतियोगिता सम्पन्न हुने बताउनुभएको छ उक्त प्रतियोगितामा ५ वर्षदेखि माथिको व्यक्तिले भाग लिन मिल्ने भएकोले सो कार्यक्रममा प्यानल अफ जज भने बिजोर हुने र उक्त कार्यक्रमको फाइनल राउण्डको जज भने दिलिप राईमाँझी रहेको थापाले जानकारी दिनुभएको छ।
सि.ई.ओ थापाले उक्त कार्यक्रममा विजेतालाई ५० हजार रकमका साथै म्युजिक भिडियोमा खेल्ने सुवर्ण अवसर प्रदान गर्ने र` रोयल डान्स एकेडेमी´ ले टिभीको डान्स रियाल्टी कार्यक्रममा टाइटल बिजेतालाई भने सिधै टप ट्वाइन्टी को अवसर पनि दिने भनी जानकारी दिनुभएको छ।
थापाले नातावाद लाई भन्दा वास्तविक प्रतिभा भएको प्रतियोगीलाई बिजयता बनाउने उद्देश्य राखी यस कार्यक्रमको आयोजना गरेको हो भनी प्रेसमिट गरि जानकारी दिनुभएको छ।
