बाँके । डुडुवा गाउँपालिकाका अध्यक्ष नरेन्द्रकुमार चौधरीले डुडुवाले गरेको उत्कृष्ट र फरक कामको आफनै कार्यपालिका सदस्यहरुले गलत तरिकाले व्याख्या गरेको प्रति खेद व्यक्त गर्दै उहाँले डुडुवाले पशुको क्षेत्रमा नमूना काम गरेको बताउनुभयो ।
गाउँपालिका कार्यालयमा आज आयोजित पत्रकार भेटघाटमा अध्यक्ष चौधरीले “डुडुवाले धेरै राम्रो काम गरेको छ तर प्रचारप्रसारमा खासै देखिन्दैन, डुडुवाको मिडिया संग पहुच नरहेकोले मिडियाले खासै क्यारी गरेको पाइन्दैन ।”
अध्यक्ष चौधरीले आफुमाथी निराधार आरोप लगाएर बद्नाम गर्न खोज्नेहरुलाई आरोप पुष्टि गर्न चुनौती दिदै विभिन्न किसिमका झुठा अफवाह, नफैलाउन चेतावनी दिनुभयो ।
विपक्षीहरुले आफ्नो व्यक्तीगत स्वार्थ र लाभका लागि सम्झौता गर्ने मनसायमा रहेको जिकिर गर्दै व्यक्तिगत मनसाय कुनैपनि हालतमा पुरा हुन नदिने दाबी गर्नु भयो । उहाँले संवादको माध्यमबाट समस्याको निकास खोज्न कार्यपालिका सदस्यहरुलाई अपिल गर्नु भयो ।
यता वडा नं ६ का वडा अध्यक्ष मोहन मिश्राले गाउँपालिका अध्यक्षले योजना बाँडफाँडमा विभेद गरेको आरोप लगाए । उहाँले आफुहरुले माग गरेको सुचना जनता माझ ल्याउन अपिल गर्नु भयो ।
