काठमाडौ । शुक्रबार काठमाडौंमा पत्रकार सम्मेलनको आयोजना गर्दै कर्णाली प्रदेश सांसद थम बहादुर विष्टले आफ्नो पार्टी माओवादी केन्द्रले पार्टीको सिद्धान्त र मूल्यमान्यता विपरीत संसद्बाट एमसीसी पारित गरेकाले माओवादी केन्द्र परित्याग गरेको बताउनु भयो । पार्टीको जिम्मेवारीसहित कर्णाली प्रदेशसभाको सांसद र प्रमुख सचेतकको जिम्मेवारीबाट पनि राजीनामा दिएको उहाँले जानकारी दिनु भएको थियो।
उहाँले पार्टी नेतृत्वले एमसीसीको सम्बन्धमा कार्यकर्तालाई विरोधमा सडकमा उतार्ने र आफूलाई पर्दा पछाडि अनेक खालका चलखेल गरेको आरोप लगाउनु भयो। पार्टीभित्र रचनात्मक आलोचनामार्फत पार्टीलाई रुपान्तरण गर्न हदैसम्म प्रयास गर्दा पनि सफल हुन नसकेको उहाँको भनाई थियो ।
