रुपन्देही । पूर्व उपप्रधान तथा गृहमन्त्री एवं रास्वपाका सभापति रबि लामिछाने माथिको थुनछेक आदेशमा १ करोड धरौटीमा छाड्न रुपन्देही जिल्ला अदालतले आदेश दिएको छ ।
बिहीबार देखि रुपन्देही जिल्ला अदालतमा लामिछाने विरुद्धको सुरु भएको थुनछेक बहस आज आइतबार सकिएर न्यायाधीश प्रल्हाद कुमार योगीको इजलासले १ करोड धरौटीमा छाड्न आदेश दिनुभएको जिल्ला अदालत रुपन्देहीका श्रेस्तेदार यज्ञ मूर्ति ज्ञवालीले बताउनुभयो ।
रुपन्देही जिल्ला न्यायधिबक्ता प्रेम पौडेल, सहन्यायधिबक्ता गोकर्ण घिमिरे लगायतका सरकारी वकिलले बहस गर्नुभयो भने सहकारी पीडितको तर्फबाट वरिष्ठ अधिवक्ता दिनेश त्रिपाठीले बहस गर्नुभएको छ । सहकारी पीडितका तर्फबाट वरिष्ठ अधिवक्ता दिनेश त्रिपाठीले बहस गर्नुभएको थियो ।
लामिछानेको तर्फबाट केही वकिलको बहस भने बाँकी रहेकाले आइतबार पनि उहाँ अदालतमा उपस्थित भए पछि बहस सुरु गरिएको थियो, लामिछानेको तर्फबाट वरिष्ठ अधिवक्ता रमण श्रेष्ठ, पशुपति भण्डारी, नारायण कँडेललगायतले आज बहस गर्नुभएको थियो ।
सरकारी वकिलले जवाफी बहस गरे पछि आदेश आएको श्रेस्तेदार ज्ञवालीले बताउनुभयो ।
