काठमाडौं । भूमि व्यवस्था, सहकारी तथा सङ्घीय मामिला तथा सामान्य प्रशासन मन्त्रालयले नेपाल प्रशासनिक प्रशिक्षण प्रतिष्ठानको कार्यकारी निर्देशक पदका लागि दरखास्त आवहान गरेको छ।
मन्त्रालयले सूचना जारी गर्दै नेपाल प्रशासनिक प्रशिक्षण प्रतिष्ठानको कार्यकारी निर्देशक नियुक्तिका लागि योग्य नेपाली नागरिकबाट आवेदन माग गरेको हो।
सूचनाअनुसार कार्यकारी निर्देशक सिफारिस सम्बन्धी मापदण्ड, २०८३ को दफा ४ बमोजिम योग्यता पुगेका तथा दफा ५ बमोजिम अयोग्य नभएका इच्छुक व्यक्तिले आवेदन दिन सक्नेछन्।
आवेदकले विस्तृत विवरणसहित सूचना प्रकाशित भएको मितिले सात दिनभित्र मन्त्रालयको प्रशासन सुधार महाशाखामा आवेदन पेश गर्नुपर्नेछ।
मन्त्रालयले कार्यकारी निर्देशक नियुक्ति प्रक्रियालाई प्रतिस्पर्धात्मक र पारदर्शी बनाउन सार्वजनिक सूचना जारी गरिएको जनाएको छ।
