काठमाडौँ । प्रहरी महानिरीक्षक (आइजिपी) पदबाट हटाउने सरकारको निर्णय विरुद्ध दानबहादुर कार्कीले पेश गरेको रिट सर्वोच्च अदालतमा दर्ता भएको छ।
बिहीबार पेश भएको रिट अध्ययन गर्ने भन्दै अदालतले दर्ता नगरेर राखेको रिट शुक्रबार दर्ता गरेको हो। अदालतका सह प्रवक्ता घनश्याम सुवेदीले रिट दर्ता भएको र यही कात्तिक ३० गतेलाई पेशी तोकिएको पनि जानकारी दिए।
बुधबारको मन्त्रिपरिषद बैठकले कार्कीलाई आइजिपीबाट हटाएर प्रधानमन्त्रीको सुरक्षा सल्लाहकार नियुक्त गरेको थियो। कार्कीलाई हटाउँदै सरकारले मनोज केसीलाई नयाँ आइजिपीमा नियुक्त गरेको थियो।
सरकारको उक्त निर्णयविरुद्ध कार्की अदालत गरेका हुन्। रिटमा संविधानको धारा ४६ तथा १३३ (२) र (३) बमोजिम उत्प्रेषण, अधपकारपृच्छा, परमादेश, प्रतिशेषधलगायत आदेश माग गरिएको छ।
