बाँके । जनता समाजवादी पार्टी (जसपा) बाट प्रदेश सभा सदस्यमा उम्मेदवार रहेका दुई जना माथि ठगि गरेको आरोप सहित ध्यानाकर्षण पत्र बुझाईएको छ ।
भेरी सहकारी वित्तिय संस्था पीडित संघर्ष समिति १५५६ जाहेरीवालाको तर्फबाट सहसंयोजक आशुतोष शुक्लाको अगुवाईमा मुख्य निर्वाचन अधिकृतको कार्यालयमा ध्यानाकर्षण पत्र बुझाईएको हो ।
मुख्य निर्वाचन अधिकृतको कार्यालय, बाँके क्षेत्र नम्बर २ मा पुगी सहायक निर्वाचन अधिकारी नुमा नन्द अधिकारीलाई ध्यानाकर्षण पत्र बुझाउदै बाँके निर्वाचन क्षेत्र नम्बर १ (१) का उम्मेदवार अम्मर बहादुर खड्का र बाँके क्षेत्र नम्बर ३ (२) का उम्मेदवार बिजय कुमार पठाकको उम्मेदवारी खारेज गर्न माग पीडितले गरेका छन ।
ध्यानाकर्षण पत्र बुझ्दै सहायक निर्वाचन अधिकारी नुमा नन्द अधिकारीले आफनो कार्यालयबाट यसको अध्ययन गरिने भन्दै निर्वाचन आयोगको कार्यालय र मुख्य निर्वाचन अधिकृतको कार्यालय बाँके निर्वाचन क्षेत्र नम्बर १ मा पनि यसबारे जानकारी गराउन आग्रह पीडितहरुलाई गर्नुभएको छ ।
