बाँके । संबिधान दिवस २०८१ को अवसरमा नेपालगञ्जमा नागरिक उत्सव कार्यक्रम सम्पन्न भएको छ ।
बास नेपालको आयोजनामा आज नेपालगञ्जको गणेशमान चौकमा नागरिक उत्सव कार्यक्रम सम्पन्न भएको हो ।
कार्यक्रमलाई सम्बोधन गर्दै प्राध्यापक रुद्र प्रसाद तिमिल्सिनाले बिगतमा जारी भएका संबिधानहरुको चर्चा गर्दै २०७२ असोज ३ गते जारी संबिधानलाई बिश्वकै सर्बाेत्कृष्ठ संबिधान बनाउनका लागि सरकारमा रहेकाहरु ईमान्दार हुनु पर्ने बताउनु भयाे ।
कार्यक्रममा बोल्दै शिक्षाबिद् किरण आचार्यले बाँके बासी सुसिल कोईराला प्रधानमन्त्री भएको बेला जारी भएको संबिधानले सबै देशबासीहरुलाई समेटेको जिकिर गर्नुभयो ।
कार्यक्रममा बोल्दै बरिष्ठ पत्रकार पूर्णलाल चुकेले एउटा तानाशाहलाई फालेर आएको संबिधानमा टेकेर सयौं तानाशाहहरु नजन्मिन दिनका लागि खवरदारी गर्नुपर्ने धारणा राख्नु भएको थियो ।
शिक्षक हेमन्तराज काफ्लेले नेपालको संबिधान २०७२ बिश्वकै सर्वाेत्कृष्ठ संबिधान भएको उल्लेख गर्दै देशको मुल कानुन संबिधान नमान्नु, संबिधान दिवसलाई कालो दिवस मनाउनु अराजकताको उपज भएको संज्ञा दिनु भयो ।
बास नेपालका कार्यकारी निर्देशक नमस्कार शाहले नेपाली जनताको त्याग, तपस्या र बलिदानबाट आएको संबिधानले सबै नेपालीहरुको भावना समेटेको बताउनु भयाे । कार्यक्रममा नागरिक समाजका प्रतिनिधि, सर्बसाधारणहरु सहभागिता रहेको थियो ।
