बाँके । जिल्ला प्रहरी कार्यालय बाँकेले राजेश जालानविरुद्ध पक्राउ पूर्जी जारी गरेको छ । धर्म सम्बन्धि कसुर गरेको उजुरीका आधारमा बाँके प्रहरीले जिल्ला अदालतबाट अनुमति लिएर जालानविरुद्ध पक्राउ पूर्जी जारी गरेको हो ।
जिल्ला प्रहरी कार्यालय बाँकेका अनुसार ७ जना मुस्लिमहरुले दिएको उजुरीमाथि अनुसन्धान भइरहेको बताए ।
इस्लाम धर्मका सन्देष्टा पैगम्बर मोहम्मदको बिरुद्धमा सामाजिक संजालमा स्टाटस लेखेको र सेयर गरेको आरोपमा मुलुकी अपराध संहिता २०७४ को परिच्छेद ९ धर्म सम्बन्धि कसुर अन्तर्गत मुद्दा दर्ता भए पछि प्रहरीले अनुसन्धान सुरु गरेको हो ।
जालानले स्टाटस लेखे पछि नेपालगञ्ज मुस्लिमले कारवाहीको माग गर्दै ज्ञापनपत्र बुझाएका थिए । भने जालानको चौतर्फी आलोचना गरिएको थियो ।
