बाँके । बाढीको ठूलो जोखिम भोग्दै आएको बाँकेको राप्ती सोनारी गाँउपालिकामा विपद् पोर्टल संचालनमा आउने भएको छ । एसडिएफले आज आयोजना गरेको कार्यशालामा सहभागिहरुले विपद् जोखिम व्यवस्थापनलाई विकासका योजनासँग मूल प्रवाहीकरण गरी उत्पादनशील समुदाय, समाजको दायित्वभित्र पार्न आ–आफ्नो क्षेत्रबाट पहलकदम गर्न आवश्यक भएको औल्याउनु भएको थियो ।
एसडिएफको आयोजना र सेभ द चिल्ड्रेनको सहयोगमा भएको कार्यशालामा प्रमुख प्रशासकिय अधिकृत, वडा अध्यक्षहरु र पालिकाको प्राविधिकहरुलाई पोर्टल कसरी संचालन गर्ने र विपद्का बारेमा कसरी थाहा पाउन सकिन्छ सो का बारेमा जानकारी गराइएको पूर्वानुमानमा आधारित पुर्व कार्य परियोजनाको प्रबन्धक तारा भुसालले जानकारी दिनु भयो । आइएचआरआर का इन्जिनियर सुरज गौतमले पोर्टल संचालन कसरी गर्ने भन्ने विषयमा सहजिकरण गर्नु भएको थियो ।
सेभ द चिल्ड्रेनको सहयोगमा एसडिएफले निमार्ण गरेको पोर्टल राप्ती सोनीलाई हस्तान्तरण गर्ने तयारी गरिएको स्रोतले जनाएको छ ।
