काठमाडौँ — प्रतिनिधिसभा तथा प्रदेशसभाका निर्वाचनका लागि निर्धारित समय समाप्त भएको छ । आयोगले आइतबार बिहान ७ बजेदेखि साँझ ५ बजेसम्म मतदानका लागि समय तोकेको थियो ।
५ बजेभित्र मतदातस्थलमा प्रवेश गरेका मतदाताले भने मतदान गर्न पाउने छन् । केही निर्वाचन क्षेत्रमा बाहेक अन्यत्र शान्तिपूर्ण रुपमा निर्वाचन सम्पन्न भएको कान्तिपुरका जिल्लास्थित संवाददाताहरुले जनाएका छन् । बिहान केही समयमा कम मतदान भए पनि दिउँसो त्यो संख्या बढेको थियो । संसदीय निर्वाचनमा स्थानीय निर्वाचनको मतपत्र सहज हुनाले मतदाताहरुले छोटो समयमा आफ्नो मताधिकार प्रयोग गर्न पाएका थिए ।
प्रतिनिधिसभाको प्रत्यक्षतर्फ १ सय ७५ र समानुपातिकतर्फ १ सय १० तथा प्रदेशसभामा सात प्रदेशको ३३० प्रत्यक्ष र २२० समानुपातिकतर्फ सांसद छान्नका लागि एकै चरणमा मतदाता भएको हो । प्रतिनिधिसभाको प्रत्यक्षतर्फ २४ सय १२ उम्मेदवार रहेका छन् । त्यसैगरी समानुपातिकर्तफ २१ सय ९९ उम्मेदवार रहेका छन् । त्यसैगरी प्रदेशसभाको प्रत्यक्षतर्फ ३३ सय २४ र समानुपातिकतर्फ ३७ सय ८ उम्मेदवार रहेका छन् । १ करोड ७९ लाख ८८ जहार ५ सय ७० मतदाता रहेका थिए ।
