बाँके । बाँकेको नरैनापुर गाउँपालिका गाउँपालिका वडा नम्बर १ का वडा सदस्य महबुब अलि शेखको निधन प्रति गाउँपालिका अध्यक्ष इस्तियाक अहमद शाहले शोक व्यक्त गर्नु भएको छ ।
बिहिबार विहान सामाजिक संजाल मार्फत उहाँले शेखको मृत्युको खबरले मर्माहत भएको उल्लेख गर्नु भएको छ । अध्यक्ष शाहले मृतक शेखप्रति श्रद्धाञ्जली व्यक्त गर्दै शोकाकुल परिवारजनप्रति समवेदन प्रकट गर्नु भएको छ।उहाँले वडा सदस्यको निधनले गाउँपालिकालाई अपुर्णिय क्षति पुगेको उल्लेख गर्नु भएको छ । उहाँले लेख्नु भएको छ "मृतक शेखप्रति हार्दिक श्रद्घान्जली र शोकाकुल परिवारजनलाई यस दुखद घडिमा हार्दिक समवेदना व्यक्त गर्दछु।"
यसैगरी वडा नं १ का वडा अध्यक्ष इसाक जोलाह शेखको निधनले आफुलाई दुखी बनाएको बताउदै एउटा असल योद्धा गुमाएको जिकिर गर्नु भयो । वडा नं ४ का वडा अध्यक्ष मनोज शर्मा, वडा नं ५ का अध्यक्ष कृष्ण चन्द्र मौर्य, वडा नं ६ का वडा अध्यक्ष प्रेम मौर्य, वडा नं २ का अध्यक्ष मसुद अहमद शाह र वडा नं ३ का अध्यक्ष ले पनि शोक व्यक्त गर्नु भएको छ । शेख नेपाली काग्रेसबाट वडा सदस्य पदमा निर्वाचित भएका थिए ।
