नेपालगञ्ज । केही दिन अघि दैलेखबाट हराएका तीन बालक र भारतको जिल्ला बहराइच नानपाराबाट हराएका एक बालकलाई वडा प्रहरी कार्यालय नेपालगञ्जले उद्धार गरेको छ ।
शुक्रबार बिहान नेपालगंज २ धम्बोझी चोक नजिक वेवारिसे अवस्थामा रहेका उक्त बालकहरुलाई उद्धार गरिएको वडा प्रहरी कार्यालयले जनाएको छ ।
दैलेख घर बताउने १३ वर्षीय सुवास वादी, १५ वर्षीय बिमल वादी, १२ वर्षीय करण वादी र आफ्नो घर भारत नानपारा बताउने १५ वर्षीय रमेश मौरियालाई प्रहरीले उद्धार गरि बाल हेल्पलाइन (सिविन नेपाल) बाँकेमा पठाईएको वडा प्रहरी कार्यलयका प्रहरी निरीक्षक डिल्ली बहादुर खडकाले जानकारी दिनु भयो ।
