बाँके । भारतको अयोध्यामा आइतबार राम मन्दिरको उदघाटन र प्रतिमा प्राणप्रतिष्ठा हुने भएकोले नरैनापुर गाउँपालिकाले सार्वजनिक बिदा दिएको छ।
वर्षौंपछि अयोध्यामा राम मन्दिरको उदघाटनाका साथै भगवान रामको प्राणप्रतिष्ठा हुन लागेको भन्दै नरैनापुरमा सार्वजनिक विदा दिएको उपाध्यक्ष जयन्ती श्रीवास्तवले जारी गरेको विज्ञप्तीमा उल्लेख गरिएकोछ ।
उपाध्यक्ष श्रीवास्तवले जारी गरेको विज्ञप्तीमा भनिएको छ " सोमबारका दिन कुनै पनि पशुपक्षी, जिवजन्तु र मदिरा सेवन र बिक्री वितरण नगरी दिनु हुन अनुरोध गर्दछु।"
पाँच वर्षदेखि चल्दै आएको विवाद भारतको सर्वोच्च अदालतले टुंगो लगाएपछि अयोध्यामा राम जन्मभूमि अयोध्यामा मन्दिर निर्माण भएको हो।
भारतीय प्रधानमन्त्री नरेन्द्र मोदीले सोमबार २२ तारिखका दिन मन्दिर उदघाटन गर्नुका साथै त्यही दिन भगवान रामललाको प्राणप्रतिष्ठा गर्ने कार्यक्रम रहेको छ ।
