बाँके । बाँके नेपालगन्जको रामलिला मैदानमा कोभिड १९ बाट मृत्यु भएका मृतकको लागि पितृमुक्ति महायज्ञ हुने भएको छ ।
निलसागर सेवा आश्रमलाई सुविधा सम्पन्न कैलाश भवन निर्माण गर्ने उद्देश्यले नेपालगन्ज को रामलिला मैदानमा निलसागर बाँके धार्मिक महामहोत्सव एव कोभिड पितृमुक्ति, श्रीमद्भागवत , धनबृर्दि, ज्ञानविज्ञान महायज्ञको आयोजना हुने भएको छ ।
आज १९ गते शुक्रबार निलसागर सेवा आश्रममको कार्यलयमा एक पत्रकार सम्मेलन आयोजना गरी महायज्ञ यहि चैत २७ गतेदखखि २०७९ बैशाख ४ गतेसम्म विशेष समारोह आयोजना हुनेहुदा जानकारी गराईएको हो। महायज्ञले विशेषगरी कोभिड १९ बाट मृतकको परिवारकालागि पितृमुक्ति १ हजार ८ कोटि होवनगरी विशेष पुजागरि प्राथना गर्ने, ज्ञानविज्ञान र धनवृद्धिका लागि श्री-यन्त्र अथवा (लक्ष्मी यन्त्र)को मुख्य भएको र विगत लामो समयदेखि नेपालगन्ज तथा मध्यपश्चिम क्षेत्रका विभिन्न जिल्ला तथा लुम्बिनी प्रदेशको सबै जिल्लाहरुमा सडक आश्रित बुवा,आमा तथा बालबालिकाहरुलाई उद्दार गरि निलसागर सेवा आश्रममा सेवा लिदै आएका ती सडक आश्रित मानवहरुकालागी एक सुविधा सम्पन्न कैलाश भवन निर्माण गर्ने उद्देश्यले महायज्ञ लागाउन लागेको संस्थाकि अध्यक्ष सरिता खनालले बताउनु भयो ।
रामलिला प्राङ्गणमा हुने महायज्ञलाई माननिय युवातथा खेलकुद मन्त्री महेश्वर गहतराजले उद्घाटन गर्ने हुने महायज्ञ मुल समारोह समितिले जनाएको छ ।
