नेपालगञ्ज । आगामी बैशाख ३० गते हुन लागेको स्थानीय तह निर्वाचनको लागि नेकपा एकीकृत समाजवादी (एस) ले नेपालगञ्ज उपमहानगरपालिकामा आफ्ना उम्मेदवारको टुंगो लगाएको छ ।
नगर अध्यक्ष सरोज तमाङको अध्यक्षतामा बसेको वैठकले मेयरमा नेकपा (एस) का जिल्ला उपाध्यक्ष तथा नेपालगञ्जका पूर्व उपमेयर समसुद्दिन सिद्दिकि र उपमेयरमा युवा संघ सचिवालय सदस्य तथा नेकपा (एस) बाँकेकी प्रचार विभाग प्रमुख करिश्मा योगीलाई उम्मेदवार बनाउने सर्वसम्मत निर्णय गरेको हो ।
त्यस्तै वडा नम्बर १ मा कृष्णबहादुर चन्द, ४ मा उत्तर वली, ५ मा सब्बिर अली खान, ६ मा शिव भारती, ७ मा शेर पठान, ११ मा युव्हार खाँ, १९ मा बद्री यादव र वडा नम्बर २० मा नन्दु कुमार वर्मालाई वडा अध्यक्षको उम्मेदवार बनाउने सर्वसम्मत निर्णय भएको तमाङले जनाकारी दिए ।
