दाङ । उद्घाटन भएको दुई वर्ष बितिसक्दा पनि गौतम बुद्ध अन्तर्राष्ट्रिय विमानस्थल नियमित सञ्चालन हुन नसकेको प्रति दुःख व्यक्त गर्दैै तत्काल संचालनमा ल्याउनका लागि संघिय सरकार संग पहल गर्न लुम्बिनी प्रदेश सभा सदस्य हेमा बेल्वासे (केसी) ले माग गर्नु भयो ।
लुम्बिनी प्रदेश सभाको तेस्रो अधिवेशनको तेस्रो बैठकमा बोल्दै उहाँले विमानस्थल संचालनका लागि प्रदेश सरकारले संघिय सरकार संग समन्वय गरि संचालनमा सभामुखको ध्यानाकर्षण गराउनु भएको थियो । प्रदेश सभा सदस्य केसीले प्रदेश अन्तरगत बिभिन्न जिल्लाहरुमा ठुला ठूला संरचना निर्माण गरेर मात्र नहुने भएकोले उक्त संरचनाहरुलाई संचालनमा ल्याउन आवश्यक जनशक्ति पुर्ति गर्न समेत आग्रह गर्नु भयो ।
चितवनको रत्नगर नगरपालिका–१० स्थित शिशु निकेतन माविको छात्राबासमा मृत अवस्थामा भेटिएकी १४ वर्षीया शालीन पोखरेलको घटनाले आफुलाई मर्माहित बनाएको बताउदै निष्पक्ष रुपले छानबिन गरी कडा कारबाहीको माग गर्दै उहाँले दिन प्रतिदिन बढ्दै गइरहेको हत्या बलात्कार जस्ता जघन्य अपराधहरुको अपराधीहरुलाई कारवाही गर्नका लागि बनेको कानुन सम्बोधन गर्ने समय आएको भन्दै सभामुखको ध्यानाकर्षण गराउनु भएको थियो ।
