बाँके । बाँकेको डुडुवा गाउँपालिका वडा नं २ का अध्यक्ष रिखिराम कैरातीले २७ वर्षदेखि भोगचलन गर्दै आएको जग्गामा बनाएका ६ वटा घर डोजर लगाएर भत्काइदिएको पिडितहरुले बताएका छन् ।
डुडुवा गाउँपालिका २ रामनगर पाँझाका सुन्दरलाल लोनिया, लक्षिराम लोनिया, शालिकराम लोनिया, बराती लोनिया, धनीराम चाई, माताप्रसाद गोडिया लगायतका ६ घर जेसीबी लगेर एक्कासी बलपूर्बक भत्काइदिएको एमालेका नेता सत्य नारायण वर्माले जानकारी दिनु भयो ।
वडा अध्यक्ष रिखिराम कैयरातीको नेतृत्वमा घर भत्काएर दुई टेक्क्टर काठ समेत लोड गरेर लगेको पीडित परिवारले जानकारी दिए ।
यो जग्गा उनीहरुले ०५१/५१ सालदेखि नै भोग चलन गर्दै आएका छन् । साबिकको बेतहनी गाउँ विकास समितिले ऐलानी रसिद दिएको थियो। वडा अध्यक्ष कैरातीले भत्काइएको पिडितहरुले बताएका छन् । वडा सदस्य विनोद लोनिया र इज्दुदिन खानले गरीबको घर भत्काएर सास्ती दिएको भन्दै दुःख व्यक्त गरेका छन् । मंगलबार घर भत्काइएको क्षेत्रको नेकपा एमालेका नेता सत्यनारायण बर्मा, नेकपा माओवादी केन्द्रका नेता जगदीशबहादुर सिंहले स्थलगत अवलोकन गर्दै मानव अधिकारको हनन् भएको बताउदै पिडितहरुलाई पुर्नस्थापना गर्न माग गरेका छन् ।
सुन्दरलाल लोनियाको २ बिघा १५ कठ्ठा जग्गामा जनप्रतिनिधिहरुले २०७४ सालमा जबरजस्ती १४ जनालाई घर निर्माण गर्न लगाएका थिए । बाकी रहेको जग्गामा घर निर्माण गरे पनि अहिले फेरि घर जबरजस्ती सत्ताको बलमा घर भत्काइएको पिडितहरुले बताए ।
